سابق ناظم صاحب رحمۃ اللہ علیہ کے اوصاف حمیدہ
الحمدللّٰہ وکفی وسلام علی عبادہ الذین الصطفیٰ ۔اما بعد
گلشن آپ کی یادوں کا مہکتا ہی رہیگا آتی رہیگی آپ کے انفاس کی خوشبو
حضرات ! دنیا میں بہت سی ہستیاں محتاج تعارف نہیں ہوا کرتی ہیں لیکن وہ اپنی قوم میں بے مثال اور نمونہ ہواکرتی ہیں انہیں ہستیوں میں سے ایک ہستی اور ہے جن پر زمانہ رشک کرتا ہے جس کا نام لینے سے زبان پر بشاشت اور دلوں میں قوت روحانی پیدا ہوتی ہے اوروہ ہستی وہ ہےجو ہم سب کے مرشد ومربی ہم سب کے روح رواں جناب حضرت مولانامحمد سعید احمد مظاہری نوراللہ مرقدہٗ ہے حضرت نے تقریباً ۵۵/سال مدرسہ فیض العلوم کو گلشن بنانے میں صرف کر دئے تھے حضرت استاذوں کی محبت کو اپنے دل میں سموئے ہوئے تھے اور مدرسہ فیض العلوم کی بلندی کی کڈھن کو اپنے دل میں چبھائے ہوئے تھے اور حضرت بچوں کے درد کا دم بھرنے والے اور حضرت کی زبان پر ہر وقت ذکر الٰہی اور دل میں خوف خدا رہتا تھا اور حضرت نے مدرسہ فیض العلوم میں اس طریقہ سے خدمت انجام دی کہ زمانہ آج بھی آپ کی تاریخ لکھنے پر مجبور ہوجائیگا لیکن کیا کریں قرآن پاک میں اللہ پاک ارشاد فرمایا اذاجا ء اجلھم فلایستأخرون ساعتاًولایسقدمون ۔ترجمہ : جب تمہارا وقت متعین ہوجائیگا تو تم ایک گھڑی نہ آگے جاسکو گے اور نہ ایک گھڑی پیچھے رہ سکوگے تو اسی مولاکے فرمان کے تحت پیغام اجل آپہنچا،اور حضرت ہم سب کو ۲۱/رمضان المبارک ۱۴۴۰ھ بروز پیر بعد ظہر اس دارفانی سے دار بقاء کی طرف چلے گئے اور ہم سب کو ہمیشہ کیلئے یتیم کرکے چلے گئے۔
مدتوں کاٹ کر بیماری میں وہ کن فکاں چلاگیا ہم سب کو یتیم کرکے وہ جلوہ نماچلاگیا
اللہ پاک نے حضرت کو بچپن ہی سے عادت و اخلاق کا خوگر بنایاتھا مصائب وشدائد رنج والم کے میدان صبر تحمل ثبات قدمی اور بلند ہمتی سے کام لینا آپکا طرۂ امتیاز تھا آپ کی عادت شریفہ بچپن ہی سے متنازع امور سے دور رہے کی تھی آپ کی ذات میں اللہ تعالیٰ نے علم وعمل کا خزینہ ودیعت فرمادیا تھا اللہ تعالیٰ نے آپ کو فراست ایمانی کا حصہ بھرپور عطا فرمایا تھا صبر وتحمل آپ کی اصاف جلیلہ میں سے ممتاز کی حیثیت رکھتا تھا امر باالمعروف اور نہی عن المنکر کا طرہ امتیاز تھا اسی طرف حضرت کی زندگی گلشن فیض العلوم وطالبان علوم نبوت کیلئے بیاباں کی طرح تھی حضرت بڑے خوش مزاج اور بہترین کلام تھے وضع داری آپ کے چہرے میں کوٹ کوٹ کر بھری ہوئی تھی آنے والے سے جب ملاقات کرتے تو ایسا محسوس ہوتا کہ اس کو پہلے جانتے ہیں اور جب حضرت کسی سے کلام کرتے تو ایسا محسوس ہوتا گویا آپ کے منہ سے مشک کی خوشبو پھوٹ رہی ہو ویسےحضرت کے اوصاف حمیدہ لکھنے کیلئے دفاتیر چاہئیں لیکن میں اپنی بات کو اس شعرپر ختم کرتا ہوں۔
سوچا تھا لکھوں گا آپ کے نام پہ ایک غزل ہائے افسوس آپ کے معیار کے الفاظ ہی نہ ملے
ازقلم : محمد طالب متعلم مدرسہ فیض العلوم مرزاپور پول
