مدرسہ فیض العلوم مرزاپورپول میں دستار بندی وتقسیم انعامات کے موقع ایک عظیم الشان دینی اجلاس کا انعقاد
امت کے نونہال بچوں کو دینی وعصری دونوں تعلیمات سے آراستہ کرنا وقت کی اہم ضرورت : مولانا ظہور صاحب
مؤرخہ 13 مارچ 2022 بروز اتوار کو مدرسہ فیض العلوم مرزاپور پول میں تکمیل کلام اللہ و مشکوۃ شریف اور دستار فضیلت و تقسیم انعامات کے موقع پر ایک عظیم الشان دینی اجلاس کا انعقاد کیا گیا، جس میں مدرسہ کے مختلف شعبہ جات سےکل۱۳۸ ؍طلباء و طالبات کی دستارفضیلت ، انعامات و ٹرافی وغیرہ سے حوصلہ افزائی کی گئی ۔جلسہ کا آغازقرآن کریم کی تلاوت اور نعت نبی ؐسے کیا گیا۔مولانا طیب قاسمی ومولاناعبد الخالق مظاہری نے مشترکہ طور پر جلسہ کی نظامت کرتے ہوئے سامعینِ جلسہ کو سبھی مہمانوں کا تعارف کرایا،صدارت حضرت مولانا محمد سفیان صاحب( مہتمم دارالعلوم وقف دیوبند )نے کی۔جس میں بنگلور ، دہلی، پنجاب، اتراکھنڈ اور دارالعلوم ومظاہرعلوم ،بشمول قرب وجوار کے علماء ومحدثین ،بزرگان دین اور دیگر افرادنےکثیر تعداد میں شرکت کی ۔ ۲۹ ؍طالبات کو قرآن کریم کی تکمیل حضر ت مولانا ظہور احمد (ضلعی صدر جمعیۃ علماء ہند)و حضرت الحاج الشاہ عتیق احمد صاحبان نے کرائی اور مولانا نے بیان کرتے وقت فرمایا کہ تمام مسلمانوں کو چاہئے کہ اپنی زندگی قرآن اور حدیث کے مطابق گزاریں اور معاشرے میں موجود نشہ ،شراب،جُوا اور بد اخلاقی جیسے کاموں سے ہمیشہ پرہیز کریں، وہیںمولانا محمد سفیان صاحب نے مشکوٰۃ شریف کی آخری حدیث کا درس دیتے ہوئے فرمایا کہ فارغین طلباء کو اپنی زندگی قرآن وحدیث کے مطابق گزارنی چاہئے اور مسلم قوم کی نسل نوع کو تعلیم سے روشناس کرانا چاہئے ،اس کے علاوہ عد ل وانصاف اور پاک دامنی پر بھی زور دیا۔اور طلباء کو قرآن کریم کی تکمیل بوڑیہ سے تشریف لائے مولانا عبد الستار صاحب نے کرائی اور فرمایا کہ تمام مسلمانوں کو صبح وشام قرآن کریم کی تلاوت کرنی چاہئے نیز قرآن پڑھنے وپڑھانے والوں سے ہمیں محبت رکھنی چاہئے اور دلیل دیتے ہوئے فرمایا کہ قرآن پڑھنے وپڑھانے والوں سے محبت رکھنے والوں کو اللہ پاک اپنے خاص انعامات سے نوازتا ہے۔ اسی طرح مولانامحمد محسن مدنی ( صاحبزادہ مولانا سید ارشد مدنی) نے ملک کی سالمیت کے لئے ملک سے محبت رکھنے پر زور دیتے ہوئے مجاہدین آزادی کی قربانیوں پر بھی روشنی ڈالی، اور فرمایا کہ ملک کو آزاد کرانے میں ہمارے علماء اکابرین نے نمایاں کردار ادا کیا ہے ، جلسہ میں مولانا عبد الرشید مہتمم مدرسہ فیضان رحیمی کا اخلاق حسنہ پر بیان ہوا، اور پروگرام اپنی رعنائیوں اور خوبصورت انداز میں پُر رونق محفل کے ساتھ جاری رہا۔ پروگرام کےکنوینر و ناظم مدرسہ قاری فیضان سرور مظاہری نے جملہ مہمانان عظام کا استقبال کیا اور مسابقہ تقاریر انجمن اصلاح الکلام اور تمام درجات میں پوزیشن لانے والے طلباء کو گراں قدر انعامات سے مولانا عبد المالک مغیثی (جامعہ رحمت گھگرولی)و ماسٹر غفران انجم (ڈائریکٹر نصرت الاسلام اکیڈمی ) ومولاناعبد الرؤف وقاری محمد انعام فیض آبادی کے ساتھ بچوں کی حوصلہ افزائی فرمائی، مدرسہ کےتمام اساتذہ ومکمل اسٹاف نے پوری محنت وجاںفشانی سے جلسہ کو خوبصور بنایا ۔اخیر میں مہمان خصوصی صدر جلسہ کی دعاء مستجاب پر مجلس کا اختتام ہوا ۔جلسہ میں شرکت کرنے والوں میں مفتی محمد طالب ندوی دہلوی، حاجی شمش الدین دہلوی ،مولانا خلیل احمد ،مولانا محمد اکبر (عثمان پور ڈھاکی)، مولانا عبد الرحمان قاسمی، مولانا محمد ربانی دہلی، مولانا عبد الغفاربوڑیہ ،مولانامحمد انوربندرجوڑ،قاری محمد رئیس رائپور، قاری محمد ہارون قاسم پور،قاری محمد سالم نانوں والا، قاری محمد فرید ٹملی،مولانا محمد بلال ٹملی،قاری فخر الدین جیونگڑھ، قاری محمد رضوان، قاری عبد الوہاب ،قاری محترم ،حاجی منور حسین دہلی، مولانا حسین احمدصدیقی(ضلعی کوآرڈنیٹر جمعیۃ اوپن اسکول)،حافظ اطهرراغب (مدرسه كوآرڈنیٹر جمعیۃ اوپن اسكول) قاری محمد عارف فیضی ، قاری محمد اظہر وغیرہ حضرات کے نام قابل ذکر ہیں۔
No comments:
Post a Comment